Уважаемые друзья! Поздравляю всех с Днём Республики Саха (Якутия)! Өрөспүүбүлүкэбит күнүнэн эҕэрдэлиибин!
⠀
Муус устар 27 күнэ өрөспүүбүлүкэ олохтоохторугар ураты бэлиэ күн буолар. Саха сирин чулуу уолаттара ийэ дойдуларыгар тапталларын уонна ытык иэстэрин күүһүнэн Саха сирэ өрөспүүбүлүкэ буоларын ситиспиттэрэ. Оттон 1992 сыллаахха өрөспүүбүлүкэ конституция ылыммыта.
⠀
Бүгүн Айсен Николаев салайааччылаах Сахабыт сирэ Россия субъектарыттан биир бастыҥ уонна инникилээх өрөспүүбүлүкэ буолар. Манна айылҕабыт баайа, тайаан сытар сирбит эрэ дьайар буолбакка, олохтоох норуоттар дириҥ култууралара, эйэлээх биир сомоҕо буолан түмсүүлээх үлэлэрэ, үйэлэргэ илдьэ кэлбит билиилэрэ-көрүүлэрэ улахан.
⠀
Биһиги өрөспүүбүлүкэбитигэр 120-тэн тахса араас омук иллээхтик, эйэ-дэмнээхтик олорор. Норуоттар бэйэ-бэйэҕэ убаастабыллаах сыһыан, доҕордуу буолуу, үйэттэн үйэҕэ кэлбит үгэстэри, экономическэй уонна социальнай сибээһи, култуурунай уонна духовнай сыаннастар өйдөбүллэрин бэйэлэригэр илдьэ сылдьаллар.
⠀
Күндү доҕоттор, бу историческэй суолталаах күнүнэн эҕэрдэлиибин! Эйэ, килбиэннээх үлэ салгыы даҕаны барыбытын ситимнээтин! Доруобуйаны уонна сайдыыны!
Култуура уонна искусство Арктикатаа5ы государственнай институтун ректора Саргылаана Игнатьева